Ingebjørg Lognvik Reinholdt er ein kvedar frå Seljord i Telemark. Mens andre ungar høyrde på Spice Girls og dansa til Michael jackson, gjekk Ingebjørg opp til Ragnar Haugstøl og lærde seg gamle Seljordsvisur.
Sidan då har Ingebjørg mellom anna vore solist med Telemark Kammerorkester og Nidaros Domkor, ho syng i vokalduoen Fivil, og var sist på Riksscenen med forestillinga «Guro Heddelid».
Ingebjørg går no på Musikkhøgskulen og i sitt masterprosjekt dykkar ho ned i arkivopptak med eldre kjelder som Aslak Brekke, Gro Heddi Brokke og Kari Dale. På Fyrispel får de høyre døme på Brekke, Brokke og Daledrakt, og repertoar som spenner frå freidige stev til mørke middelalderballadar.
Ingebjørg Lognvik Reinholdt – kveding
