Telemarkingen frå Oslo med den fantastiske stemma gjer ut si fyrste plate, proppfull med kveding i solo og samspell. På utgjevinga framfører Jon Anders viser han har lært av eldre kvedarar i heimfylket Telemark. Her blir skjemt og alvor blanda saman med tåredryppande skillingsviser, tøysete småstubbar, fengande slåttestev, småerotiske balladar, forteljande bygdeviser og lyriske nystev. Som instrumentalstøtte og ekstra krydder har han fått med seg to smakfulle multiinstrumentalister i den virituose svensk-setesdølen Danie Sanden-Warg og den underfundige oslo-valdres-telemarkingen Anders Røine. Velkomen til ei konsert med skakke tekstar og skeive tonar.

I tillegg er vi ekstra stolte av kunne presentere Vrang som oppvarmere denne kvelden! Ein ung, men allereie godt etablert trio med feler, sang og referanser til både jazz, bluegrass og litteratur. Med: Tuva Færden, Jon Brodal og Maja Gravermoen Thoresen.

Jon Anders Halvorsen - kveding
Anders Røine - langeleik, gitar, munnharpe
Daniel Sandèn Warg - hardingfele, fele, moraharpe, gitar