Folkemusikaren, songaren og komponisten Annlaug Børsheim har skreve musikk til dikt henta frå barnediktboka ”Når Morgonfrosken Syng” av Per Olav Kaldestad. Musikken til dikta er laga med utgangspunkt i norsk folkemusikk, og nokre av songane er blitt til både vals, halling, reinlender og rudl. Andre dreg meir mot viser og moderne former. Dikta tek for seg store spørsmål og emne som universet, tankane våre, einsemd og kjærleik, til nære og konkrete fenomen som vær og vind, fuglar og froskar. I bandet sitt har Annlaug med seg den banjospelande klarinettisten Ingemund Askeland frå Etne og den hardingfelespelande felespelaren Mari Skeie Ljones frå Lillehammer, sjølv spelar ho gitar, fele og syng. Dei har turnert for DKS i Hordaland og spelt ei rekke konsertar for store og små. Til Riksscenen har dei med seg ei rykande fersk plate.
Annlaug Børsheim - gitar, fele, sang, Mari Skeie Ljones - fele, hardingfele
Ingemund Askeland - banjo, klarinett, munnspill
