Outhouse Allstars - Gamaldansrock frå Värmland
Som den perfekte 50-årsgåva til Leif Stinnerbom sette sonen Magnus Stinnerbom (Harv m.m.) saman ei gruppe med eliten av unge svenske folkemusikarar og øvde inn låtar av den legendariske gruppa Groupa som Leif var medlem av. Konserten vart ein suksess, og gruppa Outhouse Allstars var fødd.Outhouse Allstars spelar i all hovudsak gamaldans, mykje komponert av Mats Edèn, men også eigne låtar framført med ein rockeattityd dei aller fleste rockeband kan sjå langt etter.

"De plöjer fram som en maskin och röjer ner allt i sin väg." - Olov Johansson, Väsen.
Nordens beste folkemusikkpartyband dundrar inn på Bakkjens Basar, vel møtt!

Niklas Bertilsson - slagverk
Ola Hertzberg - nyckelharpe
William Olsson - tverrfløyte, tenorsax og munnharpe
Mattias Perez - gitar
Jon Stinnerbom -| bass
Magnus Stinnerbom - mandolin, mandola, torader og munnspill
Sophia Stinnerbom - fele
Christian Svensson - slagverk

Lyden – Ny norsk oldtime country
I 2010 hadde medlemmane i Lyden sett seg leie på den polerte sounden som pregar dagens countrymusikk og bestemte seg for å gjera noko med akkurat det. Lyden søkjer attende til den nerva og spontaniteten som var å finne i den amerikanske countryrocken på slutten av sekstitallet representert av mellom anna The Flying Burrito Brothers, Poco og Gram Parsons, samt hente inspirasjon frå det genuine samspelet til band som The Band og Little Feat.

Medlemmane i Lyden spelar til dagleg i band, og med artister, som Earybird Stringband, Ni Liv, Paal Flaata, Philco Fiction, Brimi/Viken, Bergen Mandolinband, X-queen of the Astronauts, The Humble Servants og en lang rekke andre.

Thomas Helgaseth - vokal, bass
Erlend Viken - fele
Olav Christer Rossebø - mandolin, fele, akustisk gitar
Christian Skaugen - trommer, vokal
Bjarne Christian Berget Bjørnstad Gustavsen - orgel, trekkspill, vokal
Gøran Grini - piano, munnspill, vokal
John Olav Hovde - gitar
Jan Birger Akerhaugen - gitar
Hans Martin Austestad - banjo, akustisk gitar, vokal